Kiraŭnik BT Ivan Ejsmant u prahramie «Kłub redaktaraŭ» adkazaŭ na paviedamleńni pra Biełteleradyjokampaniju i sieryjał pra mastakoŭ Paryžskaj škoły.
«Niejki žurnalist u Facebook nakapaŭ, što BT rabiła siužet pra karciny raniej, filmy pra karciny i atrymała za heta ledź nie Oskar. I pryčym usio heta było za hrošy Babaryki», — rastłumačyŭ Ivan Ejsmant pieradhistoryju.
Śćviardžałasia, što BT-1 braŭ hrošy na stvareńnie sieryjała «Paryžskaja škoła. Uradžency Biełarusi».
«Adkazvaju: BT nie brała ŭ Babaryki nijakich hrošaj, tamu što ich za vytvorčaść uziała całkam inšaja pryvatnaja kampanija. Heta značyć, heta chłuśnia i fejk №1», — adznačyŭ staršynia Biełteleradyjokampanii.
Jašče adno śćviardžeńnie, jakoje Ivan Ejsmant nazvaŭ fejkam, — Biełhazprambank finansavaŭ sieryjał «Paryžskaja škoła. Uradžency Biełarusi», jaki rabiła BT.
«BT nie rabiła hetaha filma. Jaho rabiła pryvatnaja kampanija — «ART Karparejšn». Nam pieradali biaspłatna pravy na pakaz hetaha filma. U nas jość dahavor. A samaje hałoŭnaje — jość adrazu niekalki listoŭ, padpisanych «Viktar Babaryka» z prośbaj prapijaryć hetuju historyju z karcinami, raskazać pra heta. I treci fejk — telekanał «Biełaruś 1» atrymaŭ premiju «Televiaršynia» za hety prajekt. BT nie atrymlivała premii za hety prajekt, premiju atrymała kampanija «ART Karparejšn», — prakamientavaŭ Ivan Ejsmant.
