Apošni tydzień vydaŭsia dla biełarusaŭ, što byli za miežami baćkaŭščyny, sapraŭdy čornym. U amerykanskim horadzie Ŭełz, štat Men, pry niavyśvietlenych abstavinach zahinuŭ uradženiec Ščučyna 20-hadovy Alaksiej Vasileŭski. Jon pryjechaŭ u ZŠA 18 červienia pa studenckaj vizie. Pobač ź ciełam znajšli nož, jakim, pavodle papiaredniaj versii śledztva, byŭ zabity małady čałaviek. Zabity byŭ studentam Biełaruskaj politechničnaj akademii.
U Turcyi ŭ kurortnym horadzie Manaŭhat u vyniku vybuchu balona z hazam (pavodle adnoj z versijaŭ, heta byŭ terakt kurdzkich paŭstancaŭ) byli paranienyja try hramadzianki Biełarusi. Adnoj ź ich daviałosia amputavać nahu. Usie paciarpiełyja pryjechali z Mahilova. Rasiejski konsuł u Turcyi nazvaŭ proźviščy dvuch paciarpiełych biełarusak – Dzina i Anhielina Dziamiankavy. Nivodnaja z paciarpiełych nia mieła medyčnaj strachoŭki. Turaperatary nastojliva rajać nabyvać polisy, jakija da taho ž i kaštujuć niašmat – 6 dalaraŭ ZŠA.
