SDRK
Były prezident Ałmaźbiek Atambajeŭ asudžany na 11 hadoŭ i 2 miesiacy pazbaŭleńnia voli z kanfiskacyjaj majomaści. Jon staŭ pieršym prezidentam Kyrhyzstana, jakoha adpravili za kraty, paviedamlaje «Radyjo Svaboda».
Atambajeva pryznali vinavatym «u arhanizacyi karupcyi» (niezakonnaje vyzvaleńni kryminalnaha «aŭtaryteta» Aziza Batukajeva). Akramia turemnaha terminu i kanfiskacyi majomaści sud pastanaviŭ pazbavić palityka dziaržaŭnych uznaharod.
Abvinavačvańnie prasiła dla byłoha kiraŭnika dziaržavy 15 hadoŭ pazbaŭleńnia voli.
Atambajeŭ uznačalvaŭ Kyrhyzstan z 2011 pa 2017 hod i byŭ zatrymany ŭ žniŭni 2019 hoda ŭ svajoj rezidencyi ŭ siale Koš-Taj u chodzie śpiecapieracyi. Jana praciahvałasia dvoje sutak. Prychilniki palityka akazali supraciŭ. U chodzie supraćstajańnia zahinuŭ adzin supracoŭnik śpiecnaza, paciarpieli bolš za sto čałaviek, u tym liku i supracoŭniki milicyi.
