flickr.com
Byłoha premjer-ministra Francyi Fransua Fijona prysudzili da piaci hadoŭ (ź ich try umoŭna) pa spravie ab rastracie dziaržaŭnych srodkaŭ, paviedamlaje Le Figaro.
Žonku byłoha palityka Pieniełop Fijon prysudzili da troch hadoŭ umoŭna jak saŭdzielnicu. Muža i žonki taksama aštrafavali na 375 tysiač jeŭra kožnaha.
Z 1998-ha pa 2013-y hod žonka Fijona i dvoje jaho dziaciej pracavali jaho pamočnikami, u tym liku jak deputata Nacyjanalnaj asamblei. Faktyčna ž jany nie vykonvali nijakaj pracy.
Jak piša AP, takim čynam siamja atrymała bolš za miljon jeŭra.
Akramia štrafu, jany pavinny buduć vypłacić atrymanyja padmannym šlacham hrošy. Fijonu taksama zabaroniena na praciahu 10 hadoŭ zajmać vybarnyja pasady.
Sud nie vydaŭ ordar na aryšt Fijona i jaho žonki, i jany pakinuli zału pasiadžeńniaŭ. Advakaty buduć abskardžvać rašeńnie suda.
Fijonu vystavili abvinavačvańnie ŭ sakaviku 2017 hoda, kali ŭ Francyi išła prezidenckaja kampanija. Fijon byŭ kandydatam ad pravych i centrystaŭ, jaho nazyvali favarytam honki. Jon nie staŭ admaŭlacca ad udziełu ŭ vybarach z-za rasśledavańnia.
