Žonka palityka Maryna Adamovič raskazała «NN», što viečaram 29 červienia joj patelefanavali sa Śledčaha kamiteta i paviedamili, što Mikałaj Statkievič zatrymlivajecca na troje sutak pa kryminalnaj spravie č.1 art. 342 KK «Padrychtoŭka dziejańniaŭ, jakija hruba parušajuć hramadski paradak».
«Skazali, što pry hetym prysutničaŭ advakat, dali mnie jahonyja kantakty, ale ja pakul jašče navat nie źviazałasia», — adznačaje Maryna Adamovič.
Z Centra izalacyi pravaparušalnikaŭ Mikołu Statkieviča pieraviali ŭ izalatar časovaha ŭtrymańnia. Za kratami Mikoła Statkievič znachodzicca ŭžo 29 sutak, jon siadzieŭ pa administracyjnych pravaparušeńniach.
«Zaŭtra my jaho źbiralisia sustrakać», — adznačaje spadarynia Maryna.
Mikałaju Statkieviču 64 hady. U minułym — vajskoviec. Adzin ź lidaraŭ apazicyi. U 2005 hodzie za ŭdzieł u demanstracyjach padčas refierenduma-2004 byŭ asudžany da troch hadoŭ «chimii». U 2010 za ŭdzieł u Płoščy asudžany da 6 hadoŭ źniavoleńnia, adsiedzieŭ 4,5 hady. Byŭ pryznany palitviaźniem.
