Ułady Estonii pryniali rašeńnie padoŭžyć da 14 lipienia zabaronu na avijazłučeńnie z šeraham krain z pavyšanaj ryzykaj zaražeńnia karanavirusam, piša tio.by
U hety śpis uvachodziać Biełaruś, Partuhalija, Šviecyja, Ukraina i Rasija. Jak paviedamlaje ministr ekanomiki i kamunikacyj Taavi Aas, zabarona ŭvodziłasia zychodziačy z taho, što dla adkryćcia miežaŭ zachvorvańnie ŭ hetych krainach nie pavinna pieravyšać 25 čałaviek na 100 000 žycharoŭ na praciahu apošnich dvuch tydniaŭ (u Biełarusi hety pakazčyk — 67).
Ujezd u Estoniju, jakaja źjaŭlajecca siabram JeC, dazvoleny turystam z 15 krain, jakija ŭvachodziać u pieralik, zaćvierdžany ŭčora Jeŭrakamisijaj.
Abmiežavańnie było ŭviedziena 18 maja, ciapier jano dziejničaje da 14 lipienia. Rašeńnie ab jaho pradaŭžeńni abo admienie prymajecca ŭradam Estonii.
