Siaredniaja pa krainie tempieratura pavietra za pieršy letni miesiac skłała 19,6°S, što vyšej za klimatyčnuju normu na 3,2°S, paviedamlaje Biełhidramiet.
Stanoŭčaja anamalija tempieratury raspaŭsiudziłasia pa ŭsioj terytoryi Biełarusi. Najbolš ciopłymi vydalisia druhaja i treciaja dekady, kali siaredniaja tempieratura pavietra pieravysiła klimatyčnuju normu na 4,7°S i 4,0°S adpaviedna. U pieršaj dekadzie norma pieravyšana na 1,1ºS.
Apadkaŭ za minuły miesiac u siarednim pa respublicy vypała 104,2 mm, abo 129% ad klimatyčnaj normy. Bolš za ŭsio — u Viciebskaj vobłaści (u siarednim 129,6 mm, abo 146% normy), mienš za ŭsio — u Homielskaj vobłaści (78,6 mm, abo 102% normy).
Na praciahu pieršaj i druhoj dekadaŭ červienia ŭ siarednim pa krainie byŭ zališni režym uvilhatnieńnia: vypała 131% i 158% dekadnaj normy adpaviedna. U zaklučnaj treci miesiaca vypała 99% normy apadkaŭ za adpaviedny pieryjad.
Na bolšaści rek Biełarusi pieravažaŭ rost uzroŭniaŭ vady praz apadki. Siaredniamiesiačnaja tempieratura vady ŭ rekach i vadajomach u červieni skłała +17…+22°S, što blizka da zvyčajnaj dla hetaj pary hoda.
