Pra heta było zajaŭlena siońnia na pres‑kanfierencyi zarehistravanaj u Čechii arhanizacyi «Małady front» u Minsku.
Akcyja prymierkavanaja da čarhovych uhodkaŭ refierendumu 1995 hodu, dzie razhladalisia pytańni ab skasavańni bieł‑čyrvona‑biełaha ściaha i hierba «Pahonia» ŭ jakaści dziaržaŭnych simvałaŭ, admienie statusu biełaruskaj movy jak adzinaj dziaržaŭnaj, a taksama ab ekanamičnaj intehracyi z Rasiejaj i pravie prezidenta raspuskać parłamient.
Pa słovach lidera «Maładoha frontu» Źmitra Daškieviča, va ŭmovach suśvietnaha finansavaha kryzisu biełaruskaja ŭłada praciahvaje handlavać suvierenitetam. Najpierš jon adznačyŭ rost źniešniaj zapazyčanaści i prodaž biełaruskich pradpryjemstvaŭ.
Pačatak akcyi zapłanavany a 18‑j na Kastryčnickaj płoščy i šeście da Płoščy Niezaležnaści. Zajaŭka na akcyju padavacca nie budzie, bo arhanizatary nie vierać u toje, što moža być atrymany stanoŭčy vynik.
Pavodle Źmitra Daškieviča, u akcyi moža ŭziać udzieł da tysiačy čałaviek.
0
0
0
0
0
0
