Prezident Polščy Duda napiaredadni druhoha tura vybaraŭ u niadzielu prapanavaŭ unieści ŭ Kanstytucyju źmienu, jakaja zabaronić ŁHBT-param usynaŭlać dziaciej, paviedamlaje WP.
Duda ŭ paniadziełak padpisaŭ prajekt kanstytucyjnaj papraŭki, jakaja ciapier pastupić u Siejm. Dla źmieny Kanstytucyi nieabchodna bolšaść, što składaje dźvie traciny nižniaj pałaty parłamienta.
Pavodle papravak, jakija padpisaŭ Duda, asoba, jakaja znachodzicca ŭ adnapołych adnosinach, nie moža ŭsynavić dzicia. Źmiena Kanstytucyi budzie aznačać, što tolki siamiejnyja hieteraseksualnyja pary zmohuć usynaŭlać dziaciej.
Duda padkreśliŭ, što dziakujučy hetym papraŭkam «biaśpieka i kłopat pra dabrabyt dziaciej» buduć realizavany ŭ bolšaj stupieni.
0
0
0
0
0
0
