Tranśfiernaje akno adkryłasia adnosna niadaŭna, ale pierachod leta ŭžo, zdajecca, ažyćciaviŭsia. Džasurbieka Jachšybojeva svatali ŭ BATE i abodva «Dynama», ale ŭźbiekski vunderkind dla praciahu karjery vybraŭ «Šachcior».
Fota: FK «Šachcior».
Heta nie adzinaja surjoznaja strata «Enierhietyka-BDU»: krychu raniej za Jachšybojeva kamandu pakinuŭ David Tve. Libieryjec staŭ hulcom bresckaha «Dynama».
Ale bieraściejcam pakul asabliva nie da tranśfieraŭ: zachvareli hulcy i supracoŭniki kłuba, z-za čaho navat pieranosicca nastupnaja hulnia kamandy. Kolki hulcoŭ chvareje i dakładnaja pryčyna (mierkavanaja — karanavirus) pres-słužbaj nie paviedamlajecca.
Praz kadravyja prablemy «Dynama» nie zmahło vyjhrać u Smalavičach, chacia vyjhravała ź likam 2:0. Ničyja 3:3 z čempijonam stała lebiadzinaj pieśnia dla kamandy z prystaličča — hulcam prapanavali istotna skaracić zarobki. Pahadzilisia adzinki, astatnija razam z hałoŭnym trenieram Alaksandram Brazievičam syšli. Ciapier «Smalavičy» buduć vyratoŭvać dublory minskaha «Dynama» i łavačniki inšych kamand, jakich kłub arandavaŭ.
Fota: FK «Smalavičy».
Pakul na tranśfiernym rynku nijak siabie nie prajaŭlaje barysaŭski BATE, jaki prajhraŭ druhi matč zapar. Pryčym «Enierhietyk-BDU» z 20-j chviliny hulaŭ u mienšaści, a barysaŭcy nie zmahli zabić pienalci. Što tyčycca novych padpisańniaŭ, to z BATE trenirujecca hulec zbornaj Mikita Korzun, ale pierśpiektyvy pakul niajasnyja.
Voś vyniki matčaŭ 16 tura:
- «Słavija» — «Słuck» 3:1 (5, 12 (p), Ślusar; 75, Šaŭčenka — 21, Siamionaŭ)
- «Smalavičy» — «Dynama-Brest» 3:3 (48, Vakulič; 56 (p), Muchamiedaŭ; 79, Butarevič — 3 (ah), Žeŭnieraŭ; 42, Paŭłaviec; 81 (p), Hardziajčuk)
- BATE — «Enierhietyk-BDU» 0:1 (23, Umaraŭ)
- «Haradzieja» — «Viciebsk» 2:2 (38, Sajčyč; 87, Archipaŭ — 33, Nikałajesku; 58, Santas)
- «Nioman» — «Isłač» 1:0 (90, Marušyč)
- «Minsk» — «Biełšyna» 2:2 (18 (p), Ał. Vasiljeŭ; 56, Hryboŭski — 32, Niačajeŭ; 88, Nivałda)
- «Tarpieda-BiełAZ» — «Šachcior» 1:4 (77, Pramudraŭ — 12, Ivanavič; 57, 83; Lisakovič; 85, Padstrełaŭ)
- «Ruch» — «Dynama-Minsk» 1:0 (43, Bahamolski)
TURNIRNAJA TABLICA
A ciapier pierachodzim da matčaŭ nastupnaha tura.
«Smalavičy» — «Isłač»
Pieršy ispyt abnoŭlenych «Smalavičaŭ». U apošnich matčach kamandzie ŭdałosia krychu vypravić stanovišča i nablizicca da miažy zony vyletu, ale ŭ novych umovach zachavańnie prapiski budzie spravaj amal nievykanalnaj.
Zdajecca, Moma Jansane nie sydzie z «Isłačy» ŭ «Šachcior». Salihorcy arandavali Jachšybojeva, i spartyŭnyja ŚMI pišuć, što, chutčej za ŭsio, admoviacca ad tranśfieru hviniejca. «Vaŭki» ž paśpieli padstrachavacca i padpisali niekali pierśpiektyŭnaha ŭkrainca Dźmitryja Jusava, jaki musić dadać varyjatyŭnaści ŭ atakujučuju liniju «Isłačy». Pahladzim, jakim budzie debiut u Jusava.
Prahnoz «NN»: pieramoha «Isłačy».
«Biełšyna» — «Tarpieda-BiełAZ»
- 11.07, 16:30. Babrujsk, stadyjon «Spartak».
- Kaeficyjenty: «Biełšyna» (pieramoha) — 4.65; ničyja — 4.20; «Tarpieda» (pieramoha) — 1.76.
U Babrujsku sprabujuć choć niejak vypravić stanovišča kamandy, jakaja akapałasia na apošnim radku. «Šyńnikami» stali najlepšy bambardzir pieršalihavych «Krumkačoŭ» Dźmitryj Lebiedzieŭ i arandavany ŭ žodzinskaha «Tarpieda-BiełAZ» Dzianis Lavicki.
Žodzincy pieražyvajuć vielmi niestabilny pieryjad, jaki adbiŭsia na miescy kamandy ŭ tablicy — «Tarpieda» ŭžo šostaje. Skład taksama aktyŭna abnaŭlajecca, a hulniu suprać aŭtsajdaraŭ treba vykarystać dla vypraŭleńnia stanovišča.
Prahnoz «NN»: pieramoha «Tarpieda».
BATE — «Słavija»
My vyšej zakranuli niaŭdałuju sieryju BATE, ale my pamiatajem, jak skončyłasia papiaredniaja čornaja pałasa: lidarstvam u tablicy i zavajavańniem kubka. I apošnija matčy toj sieryi jakraz prypali na matčy z mazyrčukami.
«Słavija» ŭ papiarednim tury zhulała ŭ «vodnaje poła» sa «Słuckam» i abahnała słuččakoŭ u tablicy. Vynik byŭ zrobleny jašče ŭ pačatku hulni, kali jašče možna było pakazvać chacia b niešta padobnaje da futboła.
Fota: FK «Słavija».
U Barysavie, chutčej za ŭsio, takich umoŭ nadvorja nie budzie, tamu treba brać mocnuju žoŭta-siniuju krepaść inšym.
Prahnoz «NN»: pieramoha BATE.
«Šachcior» — «Haradzieja»
- 11.07, 20:30. Salihorsk, stadyjon «Budaŭnik».
- Kaeficyjenty: «Šachcior» (pieramoha) — 1.32; ničyja — 6.25; «Haradzieja» (pieramoha) — 10.00.
Razhrom u Žodzinie dazvoliŭ «Šachcioru» dahnać u tablicy BATE. Asabliva pryhožym atrymaŭsia druhi hoł salihorcaŭ u vykanańni Vitala Lisakoviča.
22-hadovy forvard pravodzić najlepšy siezon u karjery, i nie dzivić, što viaducca razmovy ab jahonym pierachodzie ŭ inšyja kamandy. Paviedamlajuć, što biełarus voś-voś stanie hulcom maskoŭskaha «Łakamatyva», ale aficyjnaj infarmacyi pakul nie było.
Ci paśpiejuć pafiejeryć razam Jachšybojeŭ i Lisakovič?
Prahnoz «NN»: pieramoha «Šachciora».
«Enierhietyk-BDU» — «Ruch»
- 12.07, 16:30. Maładziečna, stadyjon «Haradski».
- Kaeficyjenty: «Enierhietyk» (pieramoha) — 1.96; ničyja — 3.95; «Ruch» (pieramoha) — 3.90.
U abodvuch kamand namieciłasia zajzdrosnaja sieryja z troch matčaŭ biez paraz. Ale kali ŭ «Ruchu» ŭsio bolš-mienš stabilna, to «Enierhietyk» u stanie pieramienaŭ, pra pryčyny jakich napisana vyšej.
«Studenty» ŭžo padpisali rasijskaha paŭabaroncu Michaiła Bašyłava, viadomaha pa hulni za «Haradzieju» i «Biełšynu», a taksama arendavali ŭ BATE forvarda Uładzisłava Muchamiedava, jaki pravioŭ pałovu siezona ŭ «Smalavičach». Varta čakać i inšych padpisańniaŭ, ale ci zmoža abnoŭlenaja kamanda trymać vysoka padniatuju płanku, nieviadoma.
Prahnoz «NN»: totał mienšy za 2.5.
«Dynama-Minsk» — «Minsk»
- 12.07, 18:30. Minsk, stadyjon «Dynama».
- Kaeficyjenty: «Dynama» (pieramoha) — 1.83; ničyja — 4.00; «Minsk» (pieramoha) — 4.50.
Minskaje «Dynama» vydała čatyry matčy biez paraz (try skončylisia pieramohaj) i prapuščanych miačoŭ, ale ŭ vyniku ŭ Breście ŭ druhi raz za siezon prajhrała «Ruchu». Pakul minčuki siomyja, što zusim nie adpaviadaje ambicyjam kamandy.
Fota: FK «Dynama-Minsk».
Kłub sprabuje vypravić situacyju šmatlikimi padpisańniami: «dynamaŭcam» staŭ brazilec Siłas, u treci raz u kamandu viarnuŭsia Dzinka Trebacič, toje samaje płanuje zrabić Uładzimir Chvaščynski.
«Minsku» adkazać pakul niama čym.
Prahnoz «NN»: pieramoha «Dynama».
«Viciebsk» — «Nioman»
- 12.07, 20:30. CSK FK «Viciebsk».
- Kaeficyjenty: «Viciebsk» (pieramoha) — 2.71; ničyja — 3.60; «Nioman» (pieramoha) — 2.69.
Zaviaršaje tur hulnia ź cikavaj vyvieskaj.
Za supiersieryjaj «Niomana» my ŭsie nazirajem z zachapleńniem, ale doma «Viciebsk» nie daŭ siabie abhulać nikomu ź lidaraŭ tablicy. Miesca paŭnočnaj kamandy ŭ tablicy nie pavinna vas uvieści ŭ zman.
Ci zmoža prydumać Siarhiej Jasinski recept, jak abhulać «Nioman», albo haradziency zdabuduć vośmuju pieramohu zapar?
Prahnoz «NN»: totał mienšy za 2.5.
Hulnia «Dynama-Brest» — «Słuck» pieraniesienaja na 12 žniŭnia.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
