«Presboł»
Sud Maskoŭskaha rajona Minska vynies prysudy pa spravie ab damoŭnych matčach u biełaruskim futbole. Eks-futbalista «Naftana» i «Oršy» Alaksieja Kazłova prysudzili da dvuch hadoŭ pazbaŭleńnia voli.
Kazłoŭ padčas vystupu za «Oršu» nie tolki braŭ hrošy za zabieśpiačeńnie patrebnaha vyniku, ale i arhanizavaŭ ašukanskuju schiemu. Jon abiacaŭ arhanizataram zabiaśpiečyć vynik za košt pryciahnieńnia inšych futbalistaŭ, ale ŭsie hrošy zabiraŭ sabie. Kamanda ž prajhravała biez usialakich damoŭlenaściaŭ, bo supierniki byli bolš vysokaha kłasa.
Arhanizatary damoŭ, Vital Łańko i Viktar Baravicki, prysudžanyja da troch i čatyroch hadoŭ abmiežavańnia voli va ŭstanovie adkrytaha typu.
17 futbalistaŭ atrymali pakarańni ad štrafaŭ da abmiežavańnia voli.