Druhi dzień zapar u Minsku adbyvajucca akcyi pratestu.
14 lipienia ludzi stychijna sabralisia ŭ łancuhi ŭ dziasiatku roznych rajonaŭ horada. Ułady adkazali zatrymańniem nie mienš za 240 čałaviek. U rajonie płoščy Pieramohi i Niamihi moładź supraciŭlałasia zatrymańniam. U vyniku zaviedzienaja kryminalnaja sprava.
15 lipienia bolš za 2500 čałaviek pryjšli padać skarhi na dziejańni Centrvybarkama. Čarha raściahnułasia na 1,3 km ad Doma ŭrada da Niamihi.
Centrvybarkam byŭ niazdolny apracavać takuju kolkaść skarhaŭ i nie pryniaŭ usich da zakryćcia. Tady ludzi mieli namier adpravicca na centralny paštamt, kab vysłać svaje skarhi poštaj.
U adkaz Hałoŭpaštamt atrymaŭ zahad zakrycca.
Da Centrvybarkama padahnali aŭtazaki, pryvieźli sałdat Unutranych vojskaŭ.
Paśla 19:00 pačalisia pieršyja zatrymańni. Ludziej adciskajuć ź placoŭki pierad Muzyčnym teatram pa vulicy Miaśnikova, płoščy Bahuševiča, dzie stajaŭ kaniec čarhi.
Karespandenty «Našaj Nivy» pieradajuć pra zakryćcio stancyj mietro «Płošča Pieramohi», «Kupałaŭskaja» i «Kastryčnickaja».
