U televiadučaj na ŭkrainskim kanale 1+1 Maryčki Padałka prosta padčas efiru vypaŭ zub. Jana chutka jaho schavała ŭ dałoń i spakojna praciahnuła vypusk.
U svaim Instagram televiadučaja napisała, što ciapier prachodzić lačeńnie ŭ stamatołaha, tamu što «vyrašyła vypravić tuju niepryjemnaść, jakaja adbyłasia bolš za dziesiać hadoŭ tamu».
«U mianie ŭ spalni stajaŭ važki mietaličny hadzińnik i adnojčy vielmi zacikaviŭ maju maleńkuju dačku. Jana schapiła jaho z padakońnika i pačała razmachvać «cackaj» vakoł mamy, jakaja spała. I tolki ja paziachnuła, jak maleńkaja viasiołaja ručka adbiła mnie pałovu zuba. Ciapier vyrašyłasia narešcie na bolš radykalny ramont», — napisała jana.
Adnak, pa słovach televiadučaj, jana «była nie vielmi ŭvažlivaja da zabarony svajho stamatołaha nadkusvać ježu piarednimi zubami da zakančeńnia lačeńnia».
