Servisu, raspracavanamu na bazie Instagram, dali chod mienavita ciapier, bo Vašynhton pilna sočyć za apracoŭkaj źviestak karystalnikaŭ kitajskaj sacyjalnaj sietkaj, piša RBK.
Jak paviedamlaje NBC sa spasyłkaj na krynicy, jakija pažadali zastacca nienazvanymi, Facebook paskoryŭ praces zapusku, jaki doŭžycca ŭžo hod, na fonie napružańnia pamiž ZŠA i Kitajem.
Užo ŭ žniŭni dadatak Instagram Reels budzie dastupny ŭ 50 krainach śvietu. Karystalniki zmohuć stvarać videaroliki daŭžynioj 15 siekund, afarmlać ich muzykaj z šyrokaha katałoha i publikavać ich, nazirajučy, jak jany stanoviacca virusnymi.
U testavym režymie Instagram Reels byŭ zapuščany ŭ Brazilii ŭ listapadzie 2019 hoda, a zatym źjaviŭsia ŭ Francyi i Hiermanii. Na minułym tydni dadatak źjaviŭsia ŭ Indyi, praź niekalki dzion paśla taho, jak indyjskija ŭłady abviaścili pra błakavańnie TikTok na terytoryi krainy.
Reels źjavicca ŭ ZŠA, Vialikabrytanii, Japonii, Mieksicy na praciahu niekalkich tydniaŭ. Pra zapusk dadatku karystalniki Instagram daviedajucca pa novaj ikoncy ŭ nižniaj častcy ekrana. Roliki možna budzie publikavać u asnoŭnaj stužcy Instagram.
