Centralny kamitet Biełaruskaj sacyjał-demakratyčnaj partyi (Hramada) pravioŭ pasiadžeńnie, padčas jakoha vyznačyŭ palityčnyja pryjarytety na najbližejšy čas.
Jak raskazaŭ «Radyjo Svaboda» lidar partyi Ihar Barysaŭ, pieradusim abmiarkoŭvaŭsia chod prezidenckaj kampanii. Centralny kamitet vykazaŭ pratest CVK u suviazi z abmiežavańniem kolkaści naziralnikaŭ na vybarčych učastkach i ličyć jaho niezakonnym.
U źviazku z hetym padrychtavanyja skarhi na imia staršyni CVK Lidzii Jarmošynaj, a taksama ŭ Ministerstva justycyi, Hienieralnuju prakuraturu i sud.
Taksama było zajaŭlena, što BSDP (Hramada) adkrytaja da supracy i kaardynacyi dziejańniaŭ sa štabami Śviatłany Cichanoŭskaj, Viktara Babaryki i Valeryja Capkały.
Pa słovach Ihara Barysava, siabram i prychilnikam BSDP rekamiendavana hałasavać u asnoŭny dzień vybaraŭ za Śviatłanu Cichanoŭskuju, a taksama adstojvać svajo prava na volevyjaŭleńnie ŭsimi zakonnymi mietadami.
