Uładzimir Sałaŭjoŭ. Fota TASS
Sajuz žurnalistaŭ Rasii vystupaje suprać lubych abmiežavańniaŭ pracy ŚMI ŭ Biełarusi, u tym liku vysyłki zamiežnych žurnalistaŭ za krytyčnyja publikacyi. Pra heta «Hazietie.Ru» zajaviŭ kiraŭnik arhanizacyi Uładzimir Sałaŭjoŭ.
«My vystupajem suprać lubych abmiežavańniaŭ pracy žurnalistaŭ, tym bolš ich vysyłki. Kali takoje adbudziecca, my budziem abmiarkoŭvać hetuju temu ź mižnarodnymi pravaabarončymi arhanizacyjami. My kirujemsia vielmi prostym paniaćciem: kali žurnalist niejkim čynam parušyŭ zakon krainy, u jakoj jon pracuje, to tady ŭžo mahčyma razhladać miery suprać jaho. Kali jon ničoha nie parušyŭ i vykonvaje svoj abaviazak, to karać jaho nielha», - skazaŭ jon.
Sałaŭjoŭ dadaŭ, što nie zaŭvažaje ŭ publikacyjach rasijskich ŚMI ab prezidenckaj kampanii ŭ Biełarusi zaklikaŭ da masavych biesparadkaŭ.
«Ja takich zaklikaŭ nie zaŭvažaju, u kožnaha svajo ŭsprymańnie. Jość vyraznyja jurydyčnyja paramietry, u tym, što tyčycca zaklikaŭ da masavych biesparadkaŭ, - usio heta mohuć acanić jurysty», - rastłumačyŭ kiraŭnik SŽR.
Łukašenka hnieŭna vykazaŭsia pra «Kamsamolskuju praŭdu», «Radyjo Svaboda» i Bi-bi-si
