Kandydat u prezidenty Andrej Dźmitryjeŭ u telezvarocie na BT zaklikaŭ vybarščykaŭ i niezaležnych kandydataŭ da adzinstva.
Dźmitryjeŭ upeŭnieny: usiu Biełaruś achapiŭ pratestny ruch, ruch za novaha prezidenta Biełarusi. Ruch abjadnaŭ pradstaŭnikoŭ usich słajoŭ hramadstva.
Pavodle Dźmitryjeva, «stary prezident nadzvyčajna nie pavažaje biełarusaŭ».
— Nie važna, kali stary prezident pierastaŭ vieryć u biełaruski narod, nie važna, kali vam nadakučyła čakać, kali ŭ Biełarusi stvorać umovy, kali možna budzie nie prosta vyžyvać, a žyć i radavacca žyćciu. Važna, što nas u ruchu za novaha prezidenta — bolšaść. I my majem prava abrać novaha prezidenta.
Dźmitryjeŭ nahadaŭ, što kandydatami ŭ prezidenty nie stali mnohija papularnyja ŭ krainie ludzi.
Dźmitryjeŭ paraŭnaŭ «staroha prezidenta» sa starym mabilnym telefonam, jaki jašče moža telefanavać, ale bolš sučasnyja funkcyi jamu nie dastupnyja.
Kandydat taksama zaklikaŭ ludziej nasić biełyja branzalety, zarehistravacca ŭ sistemie «Hołas», iści naziralnikami na vybary.
