Epidemija zachvorvańnia, vyklikanaha COVID-19, u Złučanych Štatach adstupaje. Pra heta prezident ZŠA Donald Tramp zajaviŭ u paniadziełak na pres-kanfierencyi ŭ Biełym domie, piša tass.ru.
«My pačynajem bačyć śviedčańni značnaha prahresu. Pa ŭsioj krainie kolkaść stanoŭčych vynikaŭ testaŭ źniziłasia amal na 6% u paraŭnańni ź minułym tydniem, a dola stanoŭčych vynikaŭ taksama ŭpała z 8,7% da 8% za toj samy pramiežak času. Heta abnadziejlivaja, vielmi abnadziejlivaja prykmieta taho, što virus adstupaje», — skazaŭ amierykanski lidar.
Pavodle jaho słoŭ, ułady ZŠA taksama raźličvajuć, što vakcyna ad karanavirusa moža stać dastupnaj značna raniej kanca hoda. «My padtrymlivajem bałans pamiž chutkaściu i biaśpiekaj i ruchajemsia da taho, što vakcyna budzie dastupnaja sioleta, mahčyma, našmat raniej kanca hoda», — zajaviŭ Tramp.
ZŠA znachodziacca na pieršym miescy ŭ śviecie pa kolkaści infikavanych karanavirusam.
