Telekanał ANT adkazaŭ na kalektyŭny zvarot z nahody publikacyi siužetaŭ pra Viktara Babaryku. Usiaho pastupiła 277 adnatypnych zvarotaŭ, piša Tut.by.
17 lipienia pradstaŭniki abjadnanaha štaba Maryja Kaleśnikava i Vieranika Capkała padali zvarot u ANT. Žančyny pakazali, što ŭ efiry telekanała źjaŭlajucca siužety, dzie pra Viktara Babaryku i inšych fihurantaŭ spravy havorycca jak pra ludziej, čyja vina ŭžo dakazanaja ŭ sudzie. Pradstaŭnicy štaba paličyli, što publikacyjaj padobnych siužetaŭ telekanał parušaje Kanstytucyju i zakon ab ŚMI.
ZAT «Druhi nacyjanalny telekanał» adkazaŭ, što pa zakonie ab ŚMI samastojna ažyćciaŭlaje svaju dziejnaść i vyznačaje temy dla aśviatleńnia na telekanale ANT. Pa zakonie ž nie dapuskajecca ŭmiašańnie ŭ śfieru prafiesijnaj samastojnaści jurydyčnaj asoby, na jakoje ŭskładzieny funkcyi redakcyi srodku masavaj infarmacyi, i pieraškoda ŭ jakoj-niebudź formie jaho zakonnaj dziejnaści.
«Źviartajem uvahu, što, zhodna z art. 52 Zakona, žurnalist, zasnavalnik, hałoŭny redaktar srodku masavaj infarmacyi i jurydyčnaja asoba, na jakuju ŭskładzieny funkcyi redakcyi srodku masavaj infarmacyi, nie niasuć adkaznaści za raspaŭsiud źviestak, kali hetyja źviestki atrymany ad dziaržaŭnych orhanaŭ, inšych dziaržaŭnych arhanizacyj, ich słužbovych asob, a taksama ŭtrymlivajucca ŭ aficyjnych infarmacyjnych paviedamleńniaŭ i (abo) materyjałach i/abo źjaŭlajucca dasłoŭnaj prajhravańniem aficyjnych vystupaŭ słužbovych asob dziaržaŭnych orhanaŭ», — skazana ŭ adkazie telekanała.
