Fota Vadzima Zamiroŭskaha
Padčas pasłańnia da biełaruskaha naroda i parłamienta Alaksandr Łukašenka ŭspomniŭ historyju pra vypusknikoŭ Liceja BDU, piša Tut.by. Raniej bolš za 1800 vypuśnikaŭ Liceja padpisali adkryty zvarot za sumlennyja vybary.
«My sami stvaryli krainu, dzie hołas moładzi čutny, jak nikoli, u tym liku hołas hrupy tych ža vypusknikoŭ Liceja BDU, jakomu ŭ svoj čas byli dadzienyja ŭnikalnyja prefierencyi z boku dziaržavy, mnoju byli dadzienyja, voś hetymi rukami stvoranyja. Pabudavany novy, abstalavany pa najvyšejšym kłasie, budynak u centry horada, sabranyja viadučyja śpiecyjalisty i vykładčyki, adładžanaja sistema pastupleńnia, dzie vyrašajuć nie suviazi i mahčymaść pryvilejavanaj padrychtoŭki, a viedy i starańni abituryjentaŭ. U takich ustanovach my i vychavali novaje svabodnaje pakaleńnie, jakoje nas ciapier i paprakaje. Heta padobna adnosinam dziaciej i baćkoŭ, kali ŭ niejki momant dzicia kaža, što stamiŭsia ad apieki i što naohuł nie mocna prasiŭ pra jaho kłapacicca. Na ščaście, amal zaŭsiody, zaŭsiody prychodzić momant, kali dzicia viartajecca i kaža baćkam «dziakuj». Ale dla hetaha važna, kab sychodziačy ŭ darosłaje žyćcio, jon nie spalvaŭ baćkoŭski dom, kab potym było kudy viarnucca i nie hałasić na papiališčy», — skazaŭ Łukašenka.
«Nie patrabujem ničoha, akramia vykanańnia Kanstytucyi». Zvarot vypusknikoŭ Liceja BDU
