230 vypusknikoŭ jurydyčnaha fakulteta BDU apublikavali adkryty zvarot.
Hramadzianie Biełarusi! Siabry! Kalehi! Adnakurśniki!
My, vypuskniki jurydyčnaha fakulteta BDU, u adkazie za sučasnaść i budučyniu Biełarusi. Hruntujučysia na nieadjemnym pravie hramadzian na svabodu słova, udziełu ŭ kiravańni dziaržavaj z dapamohaj pramoha abo pradstaŭničaha narodaŭładździa, my vystupajem z adkrytym zvarotam, jak heta ŭžo zrabili vypuskniki inšych navučalnych ustanoŭ.
My źviartajemsia da ŭsich našych adnakurśnikaŭ, kaleh i prosta suhramadzian, jakija ciapier, mahčyma, suprać svajoj voli, «prosta vykonvajuć svaju pracu» ŭ dziaržaŭnych strukturach.
9 žniŭnia 2020 h. u Biełarusi projduć prezidenckija vybary, i zaraz našy z vami dziejańni naŭprost vyznačajuć našu ahulnuju budučyniu, budučyniu našaj krainy.
My ŭsie — hramadzianie Respubliki Biełaruś, i nam razam žyć u hetaj krainie. My razam i jość Biełaruś.
My lubim Biełaruś!
Kanstytucyja Respubliki Biełaruś abviaščaje, što adzinaj krynicaj dziaržaŭnaj ułady źjaŭlajecca narod. Narod ažyćciaŭlaje svaju ŭładu niepasredna, praz pradstaŭničyja i inšyja orhany. Pry hetym čałaviek, jaho pravy, svabody i harantyi ich realizacyi źjaŭlajucca najvyšejšaj kaštoŭnaściu i metaj hramadstva i dziaržavy.
Siońnia hramadzianie patrabujuć adnaŭleńnia svaich nieadjemnych pravoŭ: sumlennych i prazrystych vybaraŭ, prazrysty padlik hałasoŭ i prava svabodna vykazvać svaju hramadzianskuju pazicyju, spraviadlivy i biesstarońni sud.
Supracoŭniki pravaachoŭnych orhanaŭ pavinny padtrymlivać zakonnaść i pravaparadak — achoŭvać prava. Jany nie mohuć vykonvać palityčny zakaz, nie pavinny słužyć jakomu-niebudź čałavieku abo hrupie asob.
Adnakurśniki, ŭspomnicie svaju prysiahu! I nie zabyvajcie ab tym, što vaš zarobak vypłačvajecca narodam Biełarusi, a nie adnym čałaviekam ź jaho asabistych srodkaŭ. Parušajučy zakon, padviarhajučy suhramadzian biesčałaviečnamu albo źnievažajučamu hodnaść aabychodžańniu, vy pazbaŭlajecie ščaślivaj budučyni nie tolki asiarodździe, ale taksama siabie i svaich dziaciej.
Prakurory nie majuć ni zakonnaha, ni maralnaha prava rabić adpiski na abhruntavanyja skarhi hramadzian ab parušanym pravie. Zadača prakurora — zabieśpiačeńnie viaršenstva prava, zakonnaści i pravaparadku, abarona pravoŭ i zakonnych intaresaŭ hramadzian i arhanizacyj, a taksama hramadskich i dziaržaŭnych intaresaŭ. Klučavoj dziaržaŭnaj cikavaściu siońnia dla nas, jak dziaržavy Respublika Biełaruś, źjaŭlajecca zabieśpiačeńnie sumlennych vybaraŭ!
Sudździ, dajučy klatvu pierad nami, vy abaviazalisia ažyćciaŭlać pravasudździe, padparadkoŭvajučysia tolki Kanstytucyi, być biesstarońnim i spraviadlivymi, jak Vam zahadvaje doŭh sudździ. Adnakurśniki, vyniasieńnie niepravavoha prysudu abo rašeńnia, zasnavanaha na łžeśviedčańni, admova ŭ zadavalnieńni abhruntavanaj skarhi — nie prosta parušeńnie Kanstytucyi, ale i pazbaŭleńnie svaich dziaciej budučyni, bo kali ŭ krainie niama niezaležnaha spraviadlivaha sudovaha razboru, to ŭ joj niama zakona i panuje samavolstva. U samavolstvie nichto nie abaronieny — ni vy, ni vašyja dzieci, navat kali zaraz vam zdajecca, što vy ŭ biaśpiecy.
Pačućcio spraviadlivaści i ŭpeŭnienaść u zakonnaści našych patrabavańniaŭ prymušajuć nas, vašych adnakurśnikaŭ i kalehaŭ, źviarnucca z hetym zaklikam: vykonvajcie svaje abaviazki ŭ adpaviednaści z zakonam i kirujučysia Kanstytucyi! Vybraŭšy prafiesiju jurysta, my ŭsie maryli žyć u pravavoj dziaržavie, stajać na varcie zakona i hanarycca svajoj pracaj. I my stamilisia ŭ źbiantežanaści paŭtarać, što ŭ našaj krainie moža zdarycca što zaŭhodna. Nam soramna čytać akty, u jakich nie vykonvajecca pryncyp viaršenstva prava.
Vybar jość zaŭsiody!
Sioleta spoŭniłasia 30 hadoŭ Dekłaracyi ab dziaržaŭnym suvierenitecie Respubliki Biełaruś, dakumienta, dziakujučy jakomu mnohija z vas zajmajuć vysokija pasady ŭ dziaržaŭnaj sistemie niezaležnaj dziaržavy, a nie niejkaha rehijonu sumnaj impieryi.
27.07.1990 h. deputaty Viarchoŭnaha Savieta, vyzvaliŭšysia ad strachu i abapirajučysia na zakon, zrabili pravilny vybar.
A ciapier ab budučyni.
Što vy skažacie svaim dzieciam i ŭnukam, kali jany spytajuć, što vy rabili ŭ hetyja dni?
Vy sami viedajecie trahičnyja prykłady z historyi, kali dziaržava addavała złačynnyja zahady i prymała złačynnyja zakony.
Ci vy chočacie, kab mienavita tak vy zastalisia ŭ historyi, jak vykanaŭcy niečaha zahadu, jak saŭdzielniki złačynstvaŭ i palityčna matyvavanych pieraśledaŭ?
Vybar jość zaŭsiody.
Nastupić čas, kali my budziem pieradavać hetuju krainu nastupnym pakaleńniam. My chočam hanarycca tym, što pakidajem naščadkam. I my budziem abaraniać naša ahulnaje prava na hodnaje i ščaślivaje žyćcio.
Bolš niama bakoŭ, niama nas ci vas, ciapier tolki my razam. My — heta biełarusy. I ad kožnaha z nas zaležyć budučynia našaj krainy.
Razam my — narod Biełarusi.
