U noč z 11 na 12 žniŭnia ŭ krainie byli adznačany ačahovyja zbory hramadzian u 25 nasielenych punktach, havorycca ŭ paviedamleńni pres-słužby MUS.
U stalicy i šerahu bujnych haradoŭ mieli miesca asobnyja sproby pierakryćcia ruchu hramadskaha transpartu, a taksama fakty adkrytaha supraćstajańnia orhanam paradku.
Za ŭdzieł u niesankcyjanavanych masavych mierapryjemstvach zatrymanyja bolš za tysiaču čałaviek. Pavodle infarmacyi Minzdaroŭja pa miedycynskuju dapamohu źviarnuŭsia 51 čałaviek. U vyniku supraćpraŭnych dziejańniaŭ cialesnyja paškodžańni roznaj stupieni ciažkaści pryčynienyja 14 supracoŭnikam milicyi i vajennasłužačym unutranych vojskaŭ, niekatoryja ź ich špitalizavanyja.
U Minsku prykładna a 22:00 pa vuł. Prytyckaha kala 400 čałaviek vyjšli na prajeznuju častku, zabłakavaŭšy ruch transpartu. Praz dvaccać piać chvilin ruch byŭ adnoŭleny, natoŭp razasiarodžany.
U Žodzinie kiroŭca aŭtamabila «Nisan» učyniŭ najezd na vajskoŭca, paśla čaho schavaŭsia. Paciarpieły sa šmatlikimi traŭmami dastaŭleny ŭ lačebnuju ŭstanovu.
Usiaho za sutki na pravaachoŭnikaŭ było ździejśniena 5 naŭmysnych najezdaŭ z vykarystańniem aŭtamabilaŭ.
U Breście na supracoŭnikaŭ milicyi napała hrupa ahresiŭna nastrojenych hramadzian z armaturaj u rukach. Papieradžalnyja streły ŭvierch ich nie spynili. Dla abarony žyćcia i zdaroŭja supracoŭnikaŭ zbroja była ŭžyta na paražeńnie. Adzin z tych, chto napadaŭ, paranieny.
U Žabincy nieviadomy kinuŭ butelku z zapalnaj sumieśsiu ŭ kirunku słužbovaj mašyny, u vyniku čaho pad aŭtamabilem zaharełasia tratuarnaja plitka.
