Siońnia na BT było zajaŭlena, što štab Babaryki moža być datyčny da finansavańnia masavych biesparadkaŭ.
Štab adkazvaje:
1. Štab Viktara Babaryki i ŭsie pradstaŭniki štaba, upaŭnavažanyja rabić publičnyja zajavy, zaŭsiody kazali ab vykarystańni tolki zakonnych i mirnych dziejańniaŭ u ramkach vybarčaj kampanii i pa-za jaje miežami.
2. My sapraŭdy za apošnija dni stracili suviaź z mnohimi vałanciorami. Ab piaciarych ź ich u nas jość infarmacyja pra ich zatrymańnie.
3. My nieadnarazova zajaŭlali ab nieabchodnaści spynieńnia hvałtu i ličym, što adkaznaść za toje, što adbyvajecca, lažyć na biełaruskich uładach.
U pratestaŭ niama kaardynataraŭ i lidaraŭ, jany ŭźnikajuć stychijna va ŭsich haradach jak reakcyja na padman, chamstva i prymianieńnie hvałtu z boku ŭłady.
Biełarusaŭ padmanuli i ich abureńnie całkam vytłumačalna.
Hvałt ŭžyvajuć ułady i my zaklikajem ich admovicca ad prymianieńnia siły i represij u dačynieńni da mirnych hramadzian i nie ładzić majdany na vulicach haradoŭ.
My za mirnuju i stabilnuju Biełaruś. Usim biełarusam patrebna bahataja, spakojnaja i mirnaja kraina, dzie da vybaru hramadzian buduć stavicca z pavahaj.
