Praŭleńnie Polskaha radyjo pryniało rašeńnie ab terminovaj madyfikacyi dziejučaj sietki viaščańnia i ŭviadzieńnie ŭ efir Pieršaj prahramy Polskaha Radyjo śpiecyjalnych infarmacyjnych vypuskaŭ na biełaruskaj movie, pryśviečanych situacyi ŭ Biełarusi.
Pry dapamozie retranślataraŭ Centru radyjoviaščańnia ŭ Solcu-Kujaŭskim, Pieršaja prahrama Polskaha radyjo budzie dastupnaja «z pavietra» na doŭhich chvalach na častacie 225 kHc na terytoryi amal usioj Jeŭropy, u tym liku, na terytoryi ŭsioj Biełarusi.
Śpiecyjalnyja vypuski navinaŭ, padrychtavanyja Biełaruskaj słužbaj Polskaha radyjo dla zamiežža, buduć tranślavacca 3 razy na dzień: ranicaj a 7.30, apoŭdni i ŭviečary paśla 23 pavodle minskaha času. Biełaruskamoŭny infarmacyjny vypusk budzie vychodzić u prahramie «Polska i Świat» («Polšča i śviet»).
Tranślacyja infarmacyjnych vypuskaŭ pačniecca ŭ subotu, 22 žniŭnia.
