Vykanaŭca abaviazkaŭ dyrektara Amnesty International pa Ŭschodniaj Eŭropie i Centralnaj Azii Brus Miłar zajaviŭ:
«Biełaruskija ŭłady nie spynilisia na zatrymańni tysiač pratestujučych, katavańniach źniavolenych i źbićci žurnalistaŭ i lekaraŭ. Ciapier jany abvinavačvajuć mirnych lidaraŭ apazycyi ŭ tym, što tyja ŭjaŭlajuć pahrozu nacyjanalnaj biaśpiecy. Heta pakazvaje, nakolki daloka režym Alaksandra Łukašenki hatovy zajści ŭ imknieńni ŭtrymać uładu. Kali niešta i pahražaje miru i biaśpiecy ŭ Biełarusi, to heta mienavita hvałt uładaŭ u dačynieńni da ŭłasnaha naroda», piša Radyjo Svaboda.
«My znoŭ zaklikajem biełaruskija ŭłady spynić pieraśled mirnych pratestujučych i nahadvajem im pra ich abaviazki ŭ adpaviednaści ź mižnarodnym pravam pavažać prava na svabodu vykazvańnia mierkavańniaŭ. Zajava hienprakurora napeŭna aburyć pratestujučych. Ludzi ŭ Biełarusi pavinny mieć mahčymaść vykazvać svaje pohlady biaz strachu pakarańnia», - zajaviŭ Miłar.
