Fota z sajta Presboła
Eks-pieršaja rakietka śvietu biełaruska Viktoryja Azaranka prakamientavała palityčnuju situacyju ŭ Biełarusi, dzie ŭžo dva tydni iduć masavyja pratesty suprać Alaksandra Łukašenki.
«Heta vielmi składanaja tema. Kali ščyra, u mianie serca kryvioju ablivajecca, kali ja baču toje, što adbyvajecca. Bo ciapier ja nie mahu tam znachodzicca i całkam razabracca ŭ situacyi, i heta vielmi sumna. Vielmi sumna, i heta vielmi ciažka abmiarkoŭvać.
Ale ja spadziajusia, što hvałt nieadkładna spynicca, Bo heta žudasna. Ja navat nie mahu havaryć bieź śloz.
Spadziajusia, hołas naroda pačujuć. Paŭtarusia, heta vielmi składanaja tema. Ja nie chaču, kab maje słovy chto-niebudź vykarystaŭ u svaich metach, tamu budu rabić toje, što liču patrebnym, nie pryciahvajučy da hetaj uvahi miedyja, jakija ŭsio vyviernuć pa-svojmu», — skazała Azaranka.
