Pra heta jon zajaviŭ pry pryznačeńni Dźmitryja Pinieviča v. a. ministra achovy zdaroŭja, paviedamlaje pres-słužba.
Łukašenka ličyć, što padčas karanavirusa ŭ Biełarusi «pracavali niadrenna».
— Asabliva ŭ druhim pieryjadzie hetaj chvaroby. Moža być, spačatku nie zusim my byli aktyŭnyja, nie zusim razumieli niešta. Ale vielmi chutka razabralisia, pasartavali ludziej, vydzielili kliniki dla chvorych na karanavirus, zapas łožkaŭ stvaryli, aparataŭ štučnaj vientylacyi lohkich, navučyli ludziej lačyć i dapamahali rehijonam.
Pry hetym jon padkreśliŭ, što karanavirus nikudy nie syšoŭ.
— Praŭda, Boh nas pakul jašče miłavaŭ, nie pajšła hetaja druhaja chvala, jak u Jeŭropie. Ale mušu skazać, što voś hetyja našy ciorki na vulicach, jany dajuć pra siabie viedać, i ŭ nas niama taho spadu, jak heta było kaliści, — kanstatavaŭ Alaksandr Łukašenka. — Daj Boh, kab było tak, jak siońniašni ŭzrovień. Ale chaciełasia b užo kali nie rasstacca z hetaj chvarobaj, to jaje źvieści da absalutnaha minimumu. Pakul my spynilisia na nizkim uzroŭni zachvorvańnia. I zusim nizka nie padajem. Zrazumieła, čamu heta adbyvajecca.
Jon ličyć, što «my z hetym spravimsia»:
— Heta ŭžo nie taja prablema, jakaja była ŭ sakaviku, krasaviku i hetak dalej.
U krainie praciahvaje raści pakazčyk štosutačnaha pryrostu novych vypadkaŭ karanavirusa. Pavodle źviestak Ministerstva achovy zdaroŭja na 24 žniŭnia, za sutki zafiksavana 177 novych vypadkaŭ.
