Jeŭraradyjo
Ranicaj 27 žniŭnia nieviadomyja sprabavali ŭziać šturmam budynak ambasady Livii ŭ Biełarusi, jaki raźmieščany na vulicy Biełaruskaj u Minsku, paviedamlaje TUT.BY.
Kala šaści ranicy kala 30 čałaviek z bałharkami pieraskočyli praz płot i sprabavali trapić u budynak. Supracoŭniki raźmieščanaha pa susiedstvie pasolstva Małdovy vyklikali milicyju.
Da budynka prybyŭ AMAP, spyniŭ sprobu šturmu, pravieryŭ dakumienty ŭ tych, chto znachodziŭsia ŭ budynku. Atrymaŭšy rasparadžeńnie ad kiraŭnictva nie ŭmiešvacca ŭ toje, što adbyvajecca, bajcy AMAP pakinuli terytoryju pasolstva.
U budynku raźbili škło, vyłamali dźviery. Samoha pasła sprabavali vyciahnuć z budynka, ale achoŭnikam udałosia jaho adbić. Na ciele pasła siniaki.
Ciapier ludzi, jakija sprabavali šturmavać budynak, znachodziacca na terytoryi ambasady. Jany zapatrabavali ad pasła Livii pakinuć budynak, inakš jany pačnuć šturm pieršaha paviercha.
Miesiac tamu ŭžo rabiłasia sproba šturmu, za joj stajaŭ były pieršy ataše. Paśla hetaha MZS krainy źviarnułasia pa dapamohu ŭ rasijskija achoŭnyja struktury.
