Zatrymanyja siamiora aktyvistaŭ, jakija mierkavali zładzić hramadzkija akcyi, ale navat nie paśpieli ich raspačać.
Moładź z Ruchu «Za Svabodu» i stvaranaj partyi BCHD mierkavała zładzić nievialikaje šeście ad Płoščy Svabody pa vulicy Lenina. Adnak na miescy zboru ich užo čakali milicyjanty na čale z načalnikam admysłovaha adździełu pa achovie hramadzkaj biaśpieki Kastryčnickaha RAUS Alaksandram Kalinoŭskim. Supracoŭniki milicyi pravieryli ŭ prysutnych dakumenty i zahadali pakazać asabistyja rečy.U sumkach aktyvistaŭ jany ŭbačyli majki z antyjadernaj symbolikaj – ich maładyja ludzi mierkavali nadzieć pierš čym iści pa horadzie.
Alaksieja Pialeviča, Alesia Hałavania, Kastusia Ivanova, Irynu Piatovu i Valeryja Ramanienku milicyjanty zatrymali i zavieźli ŭ Pieršamajski rajadździeł milicyi. Aktyvistam patłumačyli, što chočuć pravieryć, ci nia majuć jany dačynieńnia da šerahu złačynstvaŭ, ździejśnienych u horadzie apošnim časam.
U aporny punkt milicyi Kastryčnickaha rajonu milicyjanty zabrali jašče dvuch apazycyjnych aktyvistaŭ – siabra KCHP BNF Siarhieja Kavalenku i biespartyjnaha Valeryja Miśnikava. Ich taksama paličyli «padazronymi asobami» – mienavita tak skazali supracoŭniki milicyi padčas zatrymańnia. Siarhiej Kavalenka mieŭsia prajści pa vulicy Lenina ź bieł‑čyrvona‑biełym ściaham i mieŭ u rukach dźvie daŭhija draŭlanyja rejki, kab jaho prymacavać. Adnak ściaha z kišeni jon nie paśpieŭ navat dastać.
Tym časam pa horadzie inšyja aktyvisty razdavali ŭlotki i brašury Eduarda Brokarava «Mitalohija mirnaha atamu». Usie jany adznačajuć, što ŭzdoŭž cetralnaj vulicy Lenina litaralna praz kožnaja 20 krokaŭ sustrakajucca mužčyny ŭ cyvilnym – u amal adnolkavych šapačkach‑bejsbołkach i z racyjami‑navušnikami.
