Kiraŭnička ŭradu Isłandyi, jaki składajecca z sacyjał‑demakrataŭ i «zialonych», Jochana Sihurdardocir zajaviła pra pieramohu na parłamienckich vybarach.
Papiarednija vyniki padliku hałasoŭ pakazvajuć, što kaalicyja atrymała 35 z 65 deputackich mandataŭ. Heta pieršaja dla levych partyj u Isłandyi parłamienckaja bolšaść.
Isłandyja — adna z krain, jakuju asabliva mocna zakranuŭ kryzis. Levacentrysckaja kaalicyja pryjšła da ŭłady paśla adstaŭki pravych, urad jakich isłandcy vinavaciać u razvale bankaŭskaj sistemy krainy. Pravaja Partyja niezaležnaści, pa papiarednich vynikach, atrymała 15 miescaŭ u parłamiencie i pryznała parazu.
Źviartajučysia da svaich prychilnikaŭ, Jochana Sihurdardocir zajaviła, što «źviała rachunki ź niealibieralizmam» i Partyjaj niezaležnaści, jakaja była «va ŭładzie zanadta doŭha».
