Urad Łatvii źviarnuŭsia ŭ Mižnarodnuju fiederacyju chakieja (IIHF) ź listom, u jakim vykazaŭ prośbu pravieści čempijanat śvietu pa chakiei 2021 hoda ź inšaj krainaj zamiest Biełarusi, piša Skaties.
«Urad Łatvii zaklikaje pieradać status arhanizatara čempijanatu śvietu pa chakiei 2021 hoda inšaj krainie. Kali situacyja ŭ Biełarusi nie źmienicca i adpaviednyja rašeńni nie buduć pryniatyja IIHF, urad Łatvii adkliča harantyi na arhanizacyju čempijanatu śvietu pa chakiei 2021 hoda», — havorycca ŭ tekście lista.
Fiederacyja chakieja Biełarusi ŭ kancy žniŭnia zajaviła, što kraina pry nieabchodnaści moža samastojna pravieści turnir.
Čempijanat śvietu pavinien prajści ŭ Ryzie i Minsku z 21 maja pa 6 červienia.
0
0
0
0
0
0
