Na palihonie «Brescki» 38-j asobnaj desantna-šturmavoj bryhady projdzie štohadovaje šmatnacyjanalnaje biełaruska-rasijska-sierbskaje taktyčnaje vučeńnie «Słavianskaje braterstva-2020» pad kiraŭnictvam kamandujučaha siłami śpiecyjalnych apieracyj Uzbrojenych sił Biełarusi, paviedamlaje Minabarony ŭ svaim telehram-kanale.
U vučeńni prymuć udzieł padraździaleńni Uzbrojenych sił Biełarusi, Rasii i Sierbii, jakija składuć šmatnacyjanalnuju taktyčnuju hrupu.
Na vučeńniach vajskoŭcy adpracujuć pytańni sumiesnych dziejańniaŭ padraździaleńniaŭ pry vykanańni zadač pa baraćbie z teraryzmam.
Vučeńni «Słavianskaje braterstva» prachodziać štohod na terytoryjach krain-udzielnic. U minułym hodzie manieŭry prachodzili ŭ Sierbii, u hetym hodzie jany projduć u Biełarusi.
Prybyćcio ŭdzielnikaŭ vučeńniaŭ u Biełaruś zapłanavana z 10 pa 15 vieraśnia.