Pra heta Alaksandr Łukašenka zajaviŭ siońnia pry pradstaŭleńni Andreja Švieda na pasadzie hienieralnaha prakurora Biełarusi, piša BiełTA.
«Niahledziačy na ŭskładnieńnie situacyi z vykanańniem zakanadaŭstva ŭ krainie, davajcie budziem sumlennyja. Moža, ja pamylajusia, ja asabista nie baču toj aktyŭnaści prakuratury, jakaja b adpaviadała ciapierašniamu pieryjadu. Aktyŭnaść pavinna być nakiravanaja, ja heta zaŭsiody patrabavaŭ i budu patrabavać, na zachavańnie krainy, niezaležnaści i jaje biaśpieki. Kraina pavinna viarnucca ŭžo sioleta da taho biaśpiečnaha pieryjadu, jaki byŭ zusim niadaŭna i jaki charakterny dla našaj krainy. Heta prosta imidž Biełarusi», — padkreśliŭ Alaksandr Łukašenka.
Jon padkreśliŭ, što rabotniki orhanaŭ prakuratury pavinny stajać na varcie zakona, harantujučy biaśpiečnaje raźvićcio dziaržavy. «I ŭsiakija tam kaardynacyjnyja rady, inšyja arhanizacyi…. I Kanstytucyjny sud, i hienieralny prakuror u svoj čas (dumaju, i vaš punkt hledžańnia taki) dali acenku hetym kaardynacyjnym radam. Vy pavinny davać nie tolki pravavuju acenku dziejańniam arhanizataraŭ i ahitataraŭ, ale i pradprymać bolš mahutnyja, vostryja miery prakurorskaha reahavańnia na padobnyja dziejańni», — skazaŭ kiraŭnik dziaržavy.
