Viarchoŭny kamisar AAN pa pravach čałavieka Mišel Bačelet ličyć, što dla dasiahnieńnia hramadzianskaha miru ŭ Biełarusi nieabchodnyja reformy, dyjałoh i pryciahnieńnie da adkaznaści tych, chto vinavaty ŭ surjoznych parušeńniach pravoŭ čałavieka. Pra heta jana zajaviła ŭ paniadziełak u Ženievie na 45-j siesii Savieta AAN pa pravach čałavieka (SPČ), piša TASS.
«Adnaŭleńnie hramadzianskaha miru ŭ Biełarusi patrabuje hłybokaha dyjałohu, reformaŭ i pryciahnieńnia da adkaznaści za surjoznyja parušeńni pravoŭ čałavieka», — skazała jana. Bačelet zaklikała SPČ «zasiarodzić uvahu na hetych troch śfierach, kab praduchilić dalejšuju eskałacyju hvałtu i niezadavolenaści». Pavodle jaje słoŭ, «usie śćviardžeńni ab katavańniach i inšych formach drennaha abychodžańnia z boku siłaŭ biaśpieki pavinny być zadakumientavanyja i rasśledavanyja, kab pryciahnuć vinavatych da adkaznaści».
Bačelet nahadała pra paviedamleńni ab «hvałtoŭnych represijach u dačynieńni da mirnych demanstracyj», «praźmiernym užyvańni siły», «vykradańni nieviadomymi asobami ludziej, jakija majuć dačynieńnie da apazicyi», a taksama pra aryšty žurnalistaŭ.
