Pra heta 15 vieraśnia na plenarnaj sesii Jeŭraparłamienta zajaviŭ Žazep Barel — kiraŭnik dypłamatyčnaj misii Jeŭrasajuza.
Pavodle jaho, situacyja «zrazumiełaja»: prezidenckija vybary supravadžalisia falśfikacyjami.
Barel taksama adznačyŭ šmatlikija zatrymańni paśla vybaraŭ, žorstkija dziejańni ŭ dačynieńni da pratestoŭcaŭ i prainfarmavaŭ deputataŭ ab zatrymańni ŭsich čalcoŭ prezidyuma Kaardynacyjnaj rady za vyklučeńniem Śviatłany Aleksijevič.
Pavodle jaho słoŭ, ES bačyć vychad z kryzisu ŭ arhanizacyi palityčnaha dyjałohu pamiž uładami i hramadstvam. Pačatku takoha dyjałohu mahła b spryjać naziralnaja misija ABSIE.
«Adnak my nie zmahli źviazacca ź biełaruskimi ŭładami ni na jakim uzroŭni», — dadaŭ jon.
Barel taksama adznačyŭ, što zaviaršajecca praca nad sankcyjami ŭ dačynieńni da biełaruskich čynoŭnikaŭ. Pa słovach Barela, jany buduć uviedzieny ŭ najbližejšy čas. Jon raźličvaje na ich uzhadnieńnie da 24-25 vieraśnia na nadzvyčajnym pasiadžeńni Jeŭrapiejskaj rady.