Śviatłana Cichanoŭskaja i inšyja biełaruskija apazicyjaniery znachodziacca pad ciskam zamiežnych palitykaŭ i havorać z čužych słoŭ, upeŭnieny kiraŭnik MZS Rasii Siarhiej Łaŭroŭ. Jon zaklikaje ich supraćstajać nackoŭvańniu na Rasiju.
Rasija spadziajecca, što źniešnija partniory Biełarusi nie buduć dyktavać biełaruskamu narodu i lidaram apazicyi svaju volu. Pra heta ŭ intervju telekanału RTVI zajaviŭ ministr zamiežnych spraŭ Rasii Siarhiej Łaŭroŭ.
Jon taksama zajaviŭ pra zaležnaść Śviatłany Cichanoŭskaj ad zamiežnych palitykaŭ.
«Ja ŭžo kazaŭ niekalki razoŭ pra toje, u jakim stanoviščy apynułasia Śviatłana Cichanoŭskaja. Toje, što jana kaža nie svaim hołasam, dla mianie vidavočna. Jana znachodzicca ŭ stalicy Litvy (Vilni), jakaja ŭ pieršych šerahach razam z našymi polskimi kalehami patrabuje źmieny ŭłady, — zajaviŭ ministr. — Cichanoŭskaja robić zajavy, jakija, viadoma ž, vyklikajuć vielizarnuju kolkaść pytańniaŭ. U pryvatnaści, jana kazała, što ŭ jaje vyklikaje zakłapočanaść, kali Rasija i Biełaruś majuć ciesnyja adnosiny».