Susiednija ź Biełaruśsiu krainy ES mohuć razhledzieć pytańnie ab uviadzieńni ŭłasnych sankcyj u dačynieńni da hetaj krainy, kali Jeŭrapiejski sajuz nie prymie ahulnyja sankcyjnyja miery. Pra heta zajaviŭ u paniadziełak u Budapiešcie kiraŭnik MZS Polščy Źbihnieŭ Raŭ, piša TASS.
«Kali nie dojdzie da ŭviadzieńnia sankcyj, nakiravanych na adras asobnych dziejačaŭ biełaruskaj dziaržavy, to krainy našaha rehijona, ja maju na ŭvazie susiedziaŭ Biełarusi, jakija ŭvachodziać u ES, razhledziać uviadzieńnie nacyjanalnych sankcyj», — cytuje słovy ministra Polskaje ahienctva druku.
Razam z tym Raŭ vykazaŭ nadzieju, što ahulnyja jeŭrapiejskija sankcyi ŭ dačynieńni da asobnych pradstaŭnikoŭ uład Biełarusi ŭsio ž buduć pryniatyja. «Spadziajemsia, što kansensus pa hetym pytańni budzie dasiahnuty [na samicie ES]», — dadaŭ jon.
