Tak pres-sakratar MZS Biełarusi Anatol Hłaz adkazaŭ na pytańnie Interfaksa-Zachad. Adkaz źmieščany na sajcie biełaruskaha viedamstva.
«Vy viedajecie, paradak dnia vizitu prezidenta Francyi E. Makrona ŭ litoŭskuju stalicu nie asabliva ździŭlaje. U pryncypie, stvarajecca ŭstojlivaje adčuvańnie, što ŭ Litvie źjaviłasia novaja słavutaść, jakuju ŭsim abaviazkova naviazvajuć dla naviedvańnia.
Z prafiesijnaha punktu hledžańnia skažu, što nie treba ciešyć siabie iluzijami. Niejkija paśpiešnyja kantakty ź dziŭnymi subjektami nie majuć i nie buduć mieć nijakaha praktyčnaha sensu.
U dypłamatyi dosyć usimi pryznanych cyvilizavanych instrumientaŭ, z dapamohaj jakich možna vieści dyjałoh i adstojvać intaresy. Hetyja instrumienty źjaŭlajucca značna bolš efiektyŭnymi, čym sproby hrubaha cisku i naviazvańnia svajoj voli susiedu.
Darečy, voś źniešniaja palityka Biełarusi zaŭsiody hruntavałasia na mižnarodnym pravie i inšych całkam zrazumiełych, łahičnych pryncypach. Heta dziaržaŭny intares i kankretnyja intaresy ludziej, intaresy biznesu, handlu, biaśpieki, infrastruktury i hetak dalej. Takaja adkrytaja i jasnaja pazicyja zrazumiełaja i dla našych partnioraŭ.
Hłyboki, krytyčna dumajučy daśledčyk našaj niezaležnaj źniešniaj palityki paćvierdzić, što jana taksama zasnavana na kaštoŭnaściach, źviazanych z pryncypami mižnarodnaha prava.
Na hetym fonie nam, naprykład, składana kamientavać ałahičnyja emacyjnyja ruchi cieła, časam miažujuć ź isterykaj, našych bałtyjskich susiedziaŭ. Pašyryli sankcyjnyja śpisy … što ž, ź siońniašniaha dnia, jak i abiacali, my taksama ŭvodzim u dziejańnie zvarotnyja simietryčnyja abmiežavalnyja miery pa kožnaj z hetych krain. My kazali, što heta sychodnaja śpiral, zapuščanaja z padačy asobnych litoŭskich kiraŭnikoŭ. Budziem adkazvać i dalej, ale nikoli nie budziem inicyjavać padobnyja kroki.
I chto ad hetaha vyjhraje? Moža być, asabista Ł. Linkiavičus, jakomu treba zrabić usio, kab jaho zaŭvažyli pierad budučymi vybarami. Na jaho zarpłatu heta dakładna nie paŭpłyvaje, u adroźnieńnie ad dachodaŭ litoŭskich biznesmienaŭ i padatkapłacielščykaŭ, jakija źviazany sumiesnymi prajektami, ździełkami i inviestycyjami z susiedniaj krainaj. Tolki za minuły hod Litvu naviedała kala 600 tysiač biełarusaŭ, jakija tam pakinuli amal 1 młrd. jeŭra. Biełaruś zabiaśpiečvaje štohod bolš za tracinu zahruzki AT «Litoŭskija čyhunki» … možna praciahvać i dalej. Choć, napeŭna, u hieapalityčnych maštabach asobnych litoŭskich palitykaŭ heta i nievialikija ličby.
Ale voś my nie zmožam zrazumieć, jak va ŭhodu niejkim svaim efiemiernym ambicyjam možna ździajśniać takija niedaskanałyja kroki», — zajaviŭ Anatol Hłaz
