6 traŭnia ŭ Minsku, u vystavačnym paviljonie pa praśpiekcie Pieramožcaŭ, 14, adkryłasia vystava‑kirmaš «Kuplajcie biełaruskaje».
Jak paviedamili BiełaPAN u NVC «Biełekspa», meta vystavy — «sadziejničańnie vykanańniu daručeńniaŭ urada Biełarusi pa realizacyi składskich zapasaŭ hatovaj pradukcyi ajčynnych vytvorcaŭ». U chodzie hetaha mierapryjemstva realizacyja tavaraŭ narodnaha spažyvańnia budzie ažyćciaŭlacca ź minimalnaj handlovaj nadbaŭkaj.
Vystava pravodzicca sumiesna z kancernami Biellehpram, Biellespapierpram, Biełdziaržcharčpram, Biełnaftachim, Biełmastacpromysły i Minskim harvykankamam pry padtrymcy ministerstvaŭ pramysłovaści i handlu.
Na vystavie pradstaŭleny pradukty charčavańnia, tavary lohkaj i tekstylnaj pramysłovaści, cacki, knihi, albomy, časopisy i pieryjadyčnyja vydańni, mebla dla doma i ofisa, pradukcyja dla adpačynku i turyzmu, dekaratyŭna‑prykładnyja i mastackija vyraby, posud, elektrabytavyja, haspadarčyja tavary, kaśmietyka i parfumieryja, srodki hihijeny, aksiesuary dla indyvidualnaha dohladu, pradmiety bytavoj chimii, budaŭničyja i apracoŭčyja materyjały.
Vystava budzie pracavać pa 11 traŭnia.
