Uviečary 1 kastryčnika ŭ Lepieli 31-hadovy mužčyna silikatnym błokam paškodziŭ dźviery adnoj z haradskich kramaŭ horada. Jaho zatrymali supracoŭniki adździeła Departamienta achovy MUS, paviedamlaje pres-słužba MUS.
Mužčyna akazaŭsia nastojlivym. Akazałasia, što pierad tym jon dvojčy raźbivaŭ škło tych ža dźviarej kamieniem i draŭlanaj kałodaj. Abodva razy jon uciakaŭ.
Paśla hetaha ŭładalnik kramy pastaviŭ kamieru videanazirańnia, dziakujučy jakoj i atrymałasia zatrymać chulihana.
U jaho kryvi zafiksavana 2,8 pramile ałkaholu. Pryčynu svaich učynkaŭ jon rastłumačyć nie zmoh.
0
0
0
0
0
0