Biełaruś uviała časovuju zabaronu na ŭvoz śvininy z Polščy ŭ suviazi z zafiksavanym tam vypadkam śvinoha hrypu.
Pra heta BiełaPAN paviedamiła pres‑sakratar Ministerstva sielskaj haspadarki i charčavańnia Darja Kazłoŭskaja.
Pavodle jaje słoŭ, 7 maja Minsielhascharč anulavaŭ vydadzienyja raniej dazvoły na ŭvoz śvininy z Polščy. Abmiežavańni buduć dziejničać na ŭvoz z hetaj krainy žyvych śviniej, śvinoha miasa, a taksama pradukcyi ź jaho, za vyklučeńniem toj, što prajšła apracoŭku pry tempieratury 80 i vyšej hradusaŭ. Jak rastłumačyła pres‑sakratar, pry takoj apracoŭcy virus śvinoha hrypu niaŭstojlivy.
Raniej Biełaruś uviała zabaronu na ŭvoz žyviołahadoŭčaj pradukcyi z Mieksiki, Kosta‑Ryki, ZŠA, Aŭstryi, Vialikabrytanii, Hiermanii, Danii, Irłandyi, Ispanii, Italii, Niderłandaŭ, Šviejcaryi, Francyi, Izraila, dzie taksama byli zafiksavanyja vypadki zachvorvańnia na śviny hryp.
