Navinka abydziecca amal udvaja tańniej za zvyčajnuju stancyju.
Fotazdymki prosto-free.livejournal.com
U Horadni na vulicy Kurčatava «Biełnaftachim» adčyniŭ pieršuju ŭ Biełarusi aŭtamatyčnuju AZS. Asablivaść navinki ŭ tym, što kiroŭca sam zalivaje paliva ŭ bak aŭto i raźličvajecca praz kasavy terminał, jaki prymaje kupiury vartaściu ad Br1 tys. da Br50 tys. Dziejańni kiroŭcaŭ kantralujucca dyśpietčaram, jaki znachodzicca ŭ centralnym ofisie pradpryjemstva, z dapamohaj sistemy videanahladu. Pry nieabchodnaści klijent moža źviarnucca ŭ ofis pa radyjosuviazi.
Aŭtamatyčnaja AZS raźličanaja na 1500 zapravak bienzinam i dyzielnym palivam u sutki i abstalavanaja samym sučasnym abstalavańniem. Pry hetym navinka abydziecca amal udvaja tańniej za zvyčajnuju stancyju, bo vyklučaje nieabchodnaść pabudovy apieratarskaj, padvodu kamunikacyjaŭ i kanalizacyi. Na novaj stancyi zmohuć zapravicca i ŭładalniki aŭto, jakija pracujuć na hazie.
