Skazali karespandentu NN u pres-słužbie Dziaržaŭtainśpiekcyi.
Jak i ŭ apošnija hady, pierad 9 Traŭnia na vulicach pačali źjaŭlacca aŭtamabili z prymacavanaj da anteny hieorhijeŭskaj stužačkaj. Nia dziva, miarkujučy pa razmachu štohadovaha śviatkavańnia, ale dziŭna, uličvajučy, što DAI nie vitaje dadatkovyja ŭpryhožvańni (kštałtu nalepak) na mašynach. Ale ci nie pahražajuć štrafy za žoŭta-čornuju inicyjatyvu?
Karespandent NN źviarnuŭsia za kamientarom u pres-słužbu Dziaržaŭtainśpiekcyi i pacikaviŭsia, niaŭžo stužki možna vyviešvać tolki da Dnia pieramohi?
— Viadoma ž, nie! Heta dziaržaŭnaje śviata, navat patrulnyja mašyny ŭpryhožanyja takimi stužačkami.
— Ci mahu ja prymacavać sabie na aŭto takuju ž, tolki bieł-čyrvona-biełuju?
— Ja nie mahu prakamientavać heta (śmiajecca). Vy ž zrazumiejcie, što hieorhijeŭskija stužki – heta inicyjatyva ludziej. U ich śviata, radaść pieramohi. Kali vy nie prymajecie heta śviata, prosta nie čaplajcie stužku.
— Dyk kali ja adznačaju svajo śviata, bieł-čyrvona-biełaje, mianie nie aštrafujuć?
— Kali na stužcy niama rekłamy – nie.
