Uładzisłava Kazulina zatrymali viečaram 25 kastryčnika ŭ dvarach na Arłoŭskaj.
Pra heta «NN» raskazaŭ jahony dzied, były kandydat u prezidenty i palitviazień Alaksandr Kazulin.
Uładzisłaŭ Kazulin. Fota ź instahrama
«Usie pavinny praz heta prajści, kab pryjšło asensavańnie taho, što adbyvajecca ŭ našaj krainie,
— pa-fiłasofsku adkazvaje Alaksandr Kazulin. — Pazvaniŭ siabra Uładzisłava ŭčora, ich razam zatrymali, siabra adpuścili, a ŭnuka — nie. Siońnia čakajem suda».
Uładzisłavu Kazulinu 18 hadoŭ, jon student 2-ha kursa fakulteta prykładnoj matematyki i infarmatyki BDU.
Spytalisia ŭ Alaksandra Kazulina, ci ŭdzielničaje jon u niadzielnych maršach.
«Kaniečnie, chadžu. Uražańni, dumaju, va ŭsich dobryja ad taho, što adbyvajecca.
A što tyčycca hranat, śpiectechniki, AMAPa, to my ŭsio heta prajšli jašče ŭ 2006 hodzie, tady 25 Sakavika było prykładna toje samaje», — kaža spadar Kazulin.
