Ułady abaviazali niemcaŭ u listapadzie źvieści sacyjalnyja kantakty da absalutnaha minimumu. Na miesiac u Hiermanii zakryjucca ŭsie pradpryjemstvy volnaha času, restarany, kafe i bolšaść pradpryjemstvaŭ śfiery absłuhoŭvańnia, paviedamlaje DW.
Nieabchodnaść takich mier kancler Mierkiel matyvavała tym, što ŭ apošnija 10 dzion padvoiłasia kolkaść pacyjentaŭ u adździaleńniach intensiŭnaj terapii niamieckich klinik, za 9 dzion padvoiłasia kolkaść pacyjentaŭ, jakija padłučanyja da aparataŭ ŠVŁ. Kab nie dapuścić pierahruzki sistemy achovy zdaroŭja, nieabchodna dziejničać biez pramarudžańnia, skazała Mierkiel. Pavodle jaje słoŭ, adzin z hałoŭnych instrumientaŭ baraćby z pandemijaj — adsočvańnie kantaktaŭ asob, jakija zarazilisia karanavirusam. Adnak na dadzieny momant orhany achovy zdaroŭja nie ŭ stanie adsočvać kala 75 adsotkaŭ takich kantaktaŭ.
Hramadzianam pradpisvajecca abmiežavać sacyjalnyja kantakty za miežami ŭłasnaj chaty «da absalutnaha minimumu».
Usie pradpryjemstvy volnaha času začyniajucca. Havorka idzie pra teatry, kino, kancertnyja zały, vystavačnyja kompleksy, hulniavyja sałony, kazino, parki zabaŭ, publičnyja damy, fitnies-kłuby i nieprafiesijnyja sportkłuby, płavalnyja basiejny.
Akramia taho, začyniajucca taksama pradpryjemstvy śfiery absłuhoŭvańnia, takija jak kaśmietyčnyja, tatuirovačnyja i masažnyja sałony. U listapadzie taksama buduć začynienyja restarany i kafe za vyklučeńniem tych, jakija pradajuć ježu na vynas.
