president.gov.by
Padčas narady pa epidemijałahičnaj abstanoŭcy Łukašenka daručyŭ arhanizavać rehijanalnyja štaby pa reahavańni na situacyju z COVID-19, paviedamlaje pres-słužba.
— U pieryjad viasnovaj chvali karanavirusa my zrabili staŭku na miascovyja ŭłady jak na apornyja centry pryniaćcia apieratyŭnych rašeńniaŭ. I hetaja praktyka dakazała svaju efiektyŭnaść. Siońnia składvajecca padobnaja situacyja. Tamu nam varta na praciahu adnaho-dvuch dzion arhanizavać rehijanalnyja štaby, — skazaŭ jon.
Pavodle jaho słoŭ, piersanalnuju adkaznaść za pracu hetych rehijanalnych štaboŭ i vyniki pavinny nieści hubiernatary i pamočniki prezidenta. Dapamahać im buduć lepšyja daktary-infiekcyjanisty, pradstaŭniki miedycynskaj navuki, inšyja śpiecyjalisty.
Jon pieraličyŭ, chto budzie adkazvać za kožny z rehijonaŭ.
Za Bresckuju i Hrodzienskuju vobłaści adkazvaje staršynia Hrodzienskaha abłvykankama i były ministr achovy zdaroŭja Uładzimir Karanik. U dapamohu Uładzimiru Karaniku vyznačany — hałoŭny doktar Bresckaj abłasnoj kliničnaj balnicy Alaksandr Karpicki i rektar Hrodzienskaha dziaržaŭnaha miedycynskaha ŭniviersiteta Alena Kratkova.
Adkazvać za pracu ŭ Viciebskaj vobłaści buduć rektar Viciebskaha dziaržaŭnaha miedycynskaha ŭniviersiteta Anatol Ščasny, zahadčyk kafiedry infiekcyjnych chvarob hetaha ŭniviersiteta Valeryj Siamionaŭ i hałoŭny doktar Viciebskaj abłasnoj kliničnaj infiekcyjnaj balnicy Taćciana Kavalova.
U Homielskaj vobłaści — rektar Homielskaha dziaržaŭnaha miedycynskaha ŭniviersiteta Ihar Stoma.
U Mahiloŭskaj vobłaści adkaznymi za pracu z COVID-19 vyznačany člen Savieta Respubliki Nacyjanalnaha schodu, doktar miedycynskich navuk, prafiesar, zasłužany lekar Biełarusi Aleh Sukonka i namieśnik hałoŭnaha doktara Mahiloŭskaj infiekcyjnaj balnicy №1 Iryna Bas.
U Minskaj vobłaści — pamočnik prezidenta i doktar z adukacyi Alaksandr Kosiniec, hałoŭny dziaržaŭny sanitarny doktar-namieśnik ministra achovy zdaroŭja Alaksandr Tarasienka i prafiesar kafiedry infiekcyjnych chvarob BDMU Dźmitryj Daniłaŭ. Im u dapamohu — hałoŭny lekar Respublikanskaha kliničnaha miedycynskaha centra Upraŭleńnia spravami prezidenta Iryna Abielskaja.
Za Minsk adkazvajuć staršynia Savieta Respubliki Nacyjanalnaha schodu Natalla Kačanava i v. a. ministra achovy zdaroŭja Dźmitryj Pinievič.
Hrupu ekśpiertaŭ, jakija buduć kansultavać usie rehijony, sfarmuje i ŭznačalić zahadčyk kafiedry infiekcyjnych chvarob Biełaruskaha dziaržaŭnaha miedycynskaha ŭniviersiteta Ihar Karpaŭ, jaki maje hanarovaje zvańnie «Narodny doktar Biełarusi».
