Siońnia paśla dvuchtydniovaj inśpiekcyi Biełaruś pakinuła misija MVF.
U pres‑relizie z hetaj nahody kiraŭnik misii Krys Džarvis vykazaŭ spadzieŭ na praciah dyskusii ź biełaruskimi ŭładami. Kiraŭnik misii pryznaŭ, što ŭpłyŭ hłabalnaha kryzisu na Biełaruś uzmacniŭsia z času pryniaćcia prahramy kredytnaj dapamohi MVF Biełarusi ŭ studzieni 2009 h.
Vynik pracy misii vyrašyć los nastupnaha tranšu kredytu MVF pamieram kala 400 młn dalaraŭ. Čakajecca, što rašeńnie na hety kont budzie ŭchvalenaje ŭ červieni.
***
Misija MVF pa manitorynhu realizacyi biełaruskim uradam antykryzisnaj ekanamičnaj prahramy pracavała ŭ Miensku z 29 krasavika pa 13 traŭnia.
Ad vynikaŭ pracy misii zaležyć los nastupnaha tranšu kredytu MVF ahulnym pamieram 2,46 młrd dalaraŭ. Pieršy tranš sumaj 788 młn dalaraŭ pastupiŭ u Biełaruś 14 studzienia.
Prahrama ekanamičnych reform, pad jakija vydzieleny kredyt MVF, raźličanaja da krasavika 2010 hodu.