Pakul la mietro «Puškinskaja» ŭ Minsku siłaviki razhaniali ŭdzielnikaŭ maršu pamiaci Ramana Bandarenki, niekalki tysiač čałaviek sabralisia la miemaryjała zabitamu aktyvistu na skryžavańni vulicy Čarviakova i Smorhaŭskaha trakta, piša Radyjo Svaboda.
Ludzi skandavali: «Trybunał!» Na dachu transfarmatarnaj budki na płoščy Pieramien try chłopcy zapalili try fajery ź biełym, čyrvonym i biełym dymam.
Ich vitali vokličami «Žyvie Biełaruś!» niekalki tysiač čałaviek z nacyjanalnymi ściahami, jakija sabralisia ŭ dvary i vakolicach.
Tut, la miemaryjała Ramana Bandarenki, spačatku nichto ludziej nie čapaŭ, ale paźniej, kali ludzi vyjšli na prajeznuju častku, pryjšli siłaviki ŭ čornym.
Prahučała šmat vybuchaŭ śviatłošumavych hranat i strełaŭ, usio ŭ dymie. Paśla vybuchaŭ na płoščy Pieramien u Minsku staŭ kardon siłavikoŭ, ludzi adyšli, kab nie trapić pad streły, ale nie raźbiehlisia, adyšli da miemaryjała Bandarenki i ŭ dvary.