Rasija — asnoŭny handlovy partnior Biełarusi — stała lideram siarod krain «Vialikaj vaśmiorki» (G8) pa tempach padzieńnia VUP u pieršym kvartale hetaha hoda.
Pra heta śviedčać publikacyi Mižnarodnaha valutnaha fondu (MVF), Arhanizacyi ekanamičnaha supracoŭnictva i raźvićcia (OECD), a taksama dadzienyja nacyjanalnych statystyčnych słužb krain‑čalcoŭ «vaśmiorki».
Padzieńnie rasijskaha VUP u 1‑m kvartale dasiahnuła 9,5%.
Druhoj pa tempach padzieńnia ekanomiki siarod krain «Vialikaj siamiorki» stała Niamieččyna, VUP jakoj u paraŭnańni ź pieršym kvartałam minułaha hodu pamienšyŭsia na 6,9%. Dalej iduć Italija, Vialikabrytanija i Francyja. A voś ekanomika Kitaja za hety samy pieryjad vyrasła na 6,1%.
Admoŭnaja dynamika VUP u hetych krainach źjaŭlajecca vynikam skaračeńnia pramysłovaj vytvorčaści na jakoje paŭpłyvali nizki popyt na ŭnutranym i źniešnim rynkach. U Rasii vytvorčaść u 1‑m kvartale 2009 hoda źniziłasia na 14,3%. U śviecie lideram pa tempach padzieńnia źjaŭlajecca Japonija — 32,9%.
