Alaksandr Łukašenka 27 listapada padčas vizitu ŭ 6-ju balnicu ŭ Minsku raspavioŭ pra pierachop kanfierencyi, udzielnikami jakoj nibyta byli apazicyjaniery, jakija znachodziacca za miažoj. Videa publikuje Puł pieršaha.
— Niadaŭna my pierachapili kanfierencyju Cichanoŭskaj, hetych łachušak, usich hetych źbiehłych. Što mianie ŭraziła, kali mnie na stoł pakłali razdrukoŭku. Śviatłana kaža: «Mužyki, nu što vy ad mianie patrabujecie, vy ž razumiejecie, što ja ničoha nie vyrašaju». Cytata. Pravilna, ja viedaju, što jana ničoha nie vyrašaje, — padzialiŭsia Łukašenka.
Jon adznačyŭ, što tym, chto kiruje situacyjaj, dla ažyćciaŭleńnia ich płanaŭ prosta patrebny niejki čałaviek.
— A jaki? Nu voś jana trapiłasia. Vybary falsifikavanyja. Jana vyjhrała vybary. Nie Łukašenka. Jany ŭsich pierakanali tam, svaich i siabie. I jaje tam trymajuć. Nu prosta imia. A kaho bolš? — padsumavaŭ Łukašenka.
